بجد مش هزار.. وزيرة التضامن تجلس مكان الموظفين لتقديم الخدمات للمواطنين

الخميس، 17 أكتوبر 2024 12:26 م

د.مايا مرسي اثناء تقديم الخدمات للمواطنين

عبد العزيز مجدى

في سابقة هي الأولي من نوعها، جلست الدكتورة مايا مرسي وزيرة التضامن مكان موظفة لتقديم الخدمات بنفسها للمواطنين، ذلك أثناء قيامها بزيارة مفاجئة بمديرة التضامن بالعمرانية محافظة الجيزة.

الواقعة برمتها رواها الدكتور محمد العقبي المستشار الإعلامي لوزارة، عبر صفحته الشخصية على مواقع التواصل الاجتماعي فيسبوك، مشيرا إلى أن الدكتور مايا مرسى وزيرة التضامن أجرت به اتصالا مبكرا صباح أمس الأربعاء لتفاجئه بأن أجندتها تتضمن زيارة مفاجئة.

د.محمد العقبي المستشار الأعلامي لوزارة التضامن الاجتماعي

وقال "العقبي" في منشور عبر صحفته الشخصية "فيسبوك" معنون بـ"زيارات مفاجئة لوزيرة التضامن من أجل يوم كهذا عدنا يادكتوره مايا" :" النهارده يوم من أهم أيام عملي في وزارة التضامن الاجتماعي .. أنك تصحي الصبح بدري تلاقي الوزيرة بتقولك جاهز نطلع زيارة مفاجئة قبل ما تروح الوزارة لا تملك إلا أنك تقول ( جاهز يا أفندم ) ومن جواك مبسوط أنها هتبقي زيارة بجد مفاجئة مش زي الأفلام، فتلاقي نفسك في ساقية مكى والوزيرة مذاكرة هي رايحه فين وعارفه العنوان علي الـ gps وفجأة الموظف يلاقي الوزيرة واقفه علي الشباك مع المواطنين، وبعد دقايق تدخل الوزيرة علشان هي تقدم الخدمة وتسهل للناس طلباتهم.

وتابع "العقبي" :"وفي نفس الوقت تسمع راي الموظف وتتعرف علي التحديات اللي بتواجهه لأن فعلا زملاءنا بيشتغلوا في ظروف صعبة، وبعدها نطلع علي العمرانية ونطلع من سلم ضيق وسط الناس وتلمح الوزيرة ورقة متعلقه بتقول أن كارت الخدمات الخاص بالأشخاص ذوي الإعاقة في الأدوار العليا توجه لازم ينزل في الدور الارضي، وتقرب من الموظفين وتقولهم لازم نشيل الناس علي راسنا ونخلص مصالحهم أنتم عارفين احنا بنخدم ناس ظروفها صعبه".

علي هامش زيارة د.مايا مرسي وزيرة التضامن

وأشار إلى أن الدكتورة مايا مرسي، خاطبت الموظفين بصوت هادئ ولم تتخذ أي إجراءات تعسفيه ضدهم، قائلا :"دي كانت لغة الوزيرة، قالت مش هحول حد للتحقيق بس معاكم أسبوع كل الملاحظات تتعدل وطلبت من الإدارة المركزية للمديريات خطة عمل لكل الوحدات الإجتماعيه
رجعنا الوزارة تعبانين من الجري علشان نبدأ يومنا، بس من جوايا حالة رضا وشعور بأن في إخلاص في خدمة الناس وأن من أجل اليوم ده رجعت التضامن علشان الشغل بأخلاص واحترافيه أهم من اي حاجه تانية يوم".